И. А. Бунинъ. Избранные стихи. Изд-во «Современныя записки», Парижъ, 1929

СВЯТОЙ ПРОКОПIЙ

Бысть нѣкая зима

Всѣхъ зимъ иныхъ лютѣйша паче.

Бысть нестерпимый мразъ и бурный вѣтръ,

И снѣгъ спаде на землю превеликiй,

И храмины засыпа, и не токмо

Въ путѣхъ, но и во градѣ померзаху

Скоты и человѣцы безъ числа,

И птицы мертвы падаху на кровли.

Бысть въ оны дни:

Святый своимъ наготствующимъ тѣломъ

Отъ той зимы безмѣрно пострада.

Единожды онъ нощiю прiиде

Ко храминамъ убогихъ и хоте

Согрѣтися у нихъ; но, ощутивше

Приходъ его, инiи затворяху

Дверь передъ нимъ, инiи же его

Бiяху и кричаще: — Прочь отсюду,

Отыде прочь, Юроде! — Онъ въ углѣ

Псовъ обрѣте на снѣгѣ и соломѣ,

И ляже посредѣ ихъ, но бѣгоша

Тѣпси его. И возвратися паки

Святый въ притворъ церковный и сѣде,

Согнуся и трясыйся и отчаявъ

Спасенiе себѣ. — Благословенно

Господне имя! Пси и человѣцы –

Единое въ свирѣпствѣ и умѣ.

23. I. 1916.

// 136